Мустақилликнинг 28 йиллигига бағишлаб “Ҳеч кимга бермаймиз сени, Ўзбекистон” деб номланган бадиий кеча бўлиб ўтди.
2019 йил 29 август куни Самарқанд шаҳар 34-сон Мактабгача таълим муассасасида А.С.Пушкин номидаги Самарқанд вилоят Ахборот – кутубхона маркази Абонемент сектори билан ҳамкорликда “Ҳеч кимга бермаймиз сени, Ўзбекистон” деб номланган бадиий кеча бўлиб ўтди. Кечада ушбу муассасасининг тайёрлов гуруҳи тарбияланувчилари ўз шеър ва рақслари билан барчани мамнун қилишди. Тадбир сўнггида АКМ Абонемент сектори мудири Раҳимова Г.М. томонидан болажонларга китоблар совға қилинди.
2019 йил 27 август куни Самарқанд вилоят АКМ Мустақилликнинг 28 йиллиги муносабати билан “Китобхоналар клуби”нинг очилиш маросими бўлиб ўтди. Тадбирни АКМ директори ўринбосари Саидмурадова Н.Ў. очиб берди. Тадбирда “Китобхонлар клуби” ташкилотчилари Исмоилов Умиджон, Воҳидова Нигора ва Нуриддинов Зафарлар ушбу клуб ҳақида йиғилганларга маълумот бериб ўтишди.Сўнгра илмий-услубият бўлимининг мудири Кулова М.М. сўзга чиқиб табриклади. Кейин эса Самарқанд шаҳар 47-сон умумтаълим мактаби ўқувчиси Ҳамроев Фирдавс ва АКМ Абонемент сектори мудир Раҳимова Г.М. томонида чиройли шеърлар айтилди. Тадбир сўнггида барча иштирокчиларга АКМ томонидан тайёрланган Мустақилликнинг 28 йиллигига бағишланган мультимедиа намойиши бўлиб ўтди.