М-52 У. Мингбоев
Суд-фуқаролар ҳимоячиси. / У. Мингбоев. / Т.: Ўзбекистон Республикаси Олий суди, 2001-й. – 146б.
КБК 67.99(2)9
М-52
Мустақиллик шарофати билан Республикамизда одил судловни таъминлашга қаратилган кенг қамровли суд-ҳуқуқ ислоҳотларини ўтказиш, судни фуқароларнинг ҳуқуқ ва эркинликларига риоя этилишини кафолатловчи органга айлантиришдек ниҳоятда муҳим ташкилий-ҳуқуқий тадбирларни амалга ошириш имконияти туғилди.
Ўзбекистон Республикаси Олий судининг Раиси, Ўзбекистонда хизмат кўрсатган юрист Убайдулла Қурбонович Мингбоевнинг кейинги уч йил ичидаги мақола ва маърузаларидан жамланган ушбу тўпламда одил судлов самарадорлигини ошириш, суд ислоҳотларини жадаллаштириш муаммолари, суд этикаси ва маданияти каби қатор долзарб масалалар ёритилган.

Ў-16
Ўзбекистонда нодавлат нотижорат ташкилотларига солиқ солиш ва уларнинг бухгалтерия ҳисоби. Услубий қўлланма. / Т.: “DEKORPOLIGRAF” МЧЖ, 2000-й. – 328б.
КБК 67.99(2)2
Ў-16
Мазкур услубий қўлланмада меъёрий-ҳуқуқий материаллар 2003-йил биринчи январдаги ҳолат бўйича келтирилган.

А-15 Қ.Р. Абдурасулова
Криминология. Дарслик. / Қ.Р. Абдурасулова; Масъул муҳаррир: ю.ф.д. профессор М.Ҳ. Рустамбоев. – Т.: “ТДЮИ” нашриёти , 2008-й. – 305б.
КБК 67.99(5Ў)9
А-15
Дарсликда криминология фанининг предмети, вазифаси ва тизими, жиноятчилик тушунчаси, хусусиятлари ва турлари, жиноятчилик сабаблари ва уни тавсифлаш муаммоси, жиноятчи шахси, унинг криминологик тавсифи ва жиноятчиликнинг олдини олиш, шахс ғайриижтимоий мойиллигининг шаклланиши ҳамда муайян жиноят содир этиш механизми, криминологик виктимология асослари, таснифи, жиноятларни профилактика қилиш, рецидив, уюшган, вояга етмаганлар, оиладаги, тамагирлик ниятида зўрлик ишлатиб содир этиладиган, иқтисодий, экология ва солиқ жиноятчилигининг криминологик тавсифи ҳамда унинг олдини олиш каби масалалар кўрилган.
Дарслик ҳуқуқшунослик йўналишидаги олий ўқув юртлари ва факультетлари талабалари, ўқитувчилари, тадқиқотчилар ва ҳуқуқни муҳофаза қилиш органлари ходимлари учун мўлжалланган.

Н-28 И. Насриев

Муаллифнинг шахсий ҳуқуқларини ҳимоялаш. / И. Насриев. / Т.: “Меҳнат”, -2003й.- 184б.

КБК 67.404.3

Н-27

Асарлар ва уларнинг ижрочиларига нисбатан унинг яратувчилари нафақат мулкий, балки шахсий номулкий ҳуқуқларга эга бўлишади. Китобда муаллифлик ҳуқуқи  ва турдош ҳуқуқлар мазмуни, муаллифнинг шахсий ҳуқуқлари атрофлича таҳлил этилади. Шунингдек, муаллифлик ҳуқуқи субъектлари, объектлари, мазмуни, унинг фуқаролик муомаласида бўлиш хусусиятлари, муаллифнинг ўз асарларига нисбатан шахсий ҳуқуқлари, турлари, уни амалга ошириш хусусиятлари, муҳофаза қилиш шакллари ҳамда усуллари батафсил ёритилган.

Китобдан олий ўқув юртлари талабалари, тадқиқотчилар ва муаллифлик ҳуқуқи билан қизиқувчилар фойдаланишлари мумкин.