A+ A A-
Администратор

Администратор

Bayramingiz muborak bo’lsin, aziz ustozlar!

Nashr qilingan Yangiliklar

1 oktyabr - O’qituvchi va murabbiylar kuni! Shu kuni bizga saboq bergan, hayot so’qmoqlaridan odimlab borishimizda ustozlik qilgan va bu vazifani ayni paytda ham sharaf bilan bajarib kelayotgan insonlarni kasb bayramlari bilan tabriklashga oshiqamiz. Albatta, har birimiz istalgan sohada mehnat qilmaylik, ustoz va murabbiylarga ehtiyoj sezamiz. Avvaliga maktabgacha ta’lim muassasasi, keyin maktab, navbati bilan oliy o’quv yurtida va qolaversa xizmat faoliyati davomida ustozlardan saboq olamiz.

O’qituvchi va murabbiylarning kasb bayrami munosabati bilan Samarqand viloyati bojxona boshqarmasida viloyat Ma’naviyat va ma’rifat markazi hamda viloyat Axborot kutubxonasi markazi hamkoriligida “Ustozlar, sizga ta’zim” mavzusida ma’naviy-ma’rifiy tadbir o’tkazildi.

Tadbirda Samarqand davlat arxitektura qurilish instituti ijtimoiy fanlar kafedrasi o’qituvchisi N.Haqqulov so’zga chiqib, O’zbekiston Respublikasi Prezidentining “Xalq ta’limi tizimidagi pedagog xodimlarning ijtimoiy mavqyeini yanada oshirishga doir chora-tadbirlar to’g’risida”gi qarorining mazmun-mohiyati to’g’risida to’xtalib o’tdi.

Qarorda xalq ta’limi muassasalarida faoliyat olib borayotgan pedagog kadrlarni moddiy va ma’naviy jihatdan qo’llab-quvvatlash, ularning ijtimoiy mavqyeini oshirish, yanada samarali mehnat qilishi uchun zarur shart-sharoitlar yaratish eng dolzarb vazifalardan biri ekanli qayd etilgan.

Shu munosabat bilan, 1 sentyabrdan boshlab umumiy o’rta ta’lim muassasalarining yuqori sinf o’qituvchilarining oylik ish haqlari 24 foizga, boshlang’ich sinf o’qituvchilarining oylik ish haqlari esa 10 foizga oshirildi. Shu bilan birga arzon uy-joylar qurilishi dasturi doirasida uy-joy sotib olishlari uchun uzoq muddatli imtiyozli ipoteka kreditlari berish kabilar ko’zda tutilgan.

Xalqimizning ustoz otangdek ulug’, degan purhikmat naqlida ham o’qituvchi va murabbiylarga bo’lgan samimiy ehtirom namoyon.Bu bayram, avvalo, o’zining bilim va tajribasi, iste’dod va mahorati, insoniy fazilatlarini, ko’z nuri va qalb qo’ri, butun borlig’ini ayamasdan, ma’rifat yo’lida beminnat xizmat qiladigan ustoz va murabbiylarimizga nisbatan xalqimizning azaliy hurmat-ehtiromining yaqqol namunasidir.

Tadbirda uzoq yillardan buyon bojxona tizimida ishlab kelayotgan tajribali ustoz xodimlarni ishga yangi qabul qilingan yosh-bojxonachilar bayram bilan muborakbod etishdi.

Ustoz ham murabbiy ham kitob o’qib kamol topgan. Kitob insonni ezgulikka yetaklaydi. Hozirda viloyat bojxona boshqarmasida xodimlarni intellektual ehtiyojlarini qondirish hamda mustaqil bilim olishlarini ta’minlash maqsadida kutubxona tashkil etilgan.

Kutubxona fondidan ma’naviy eskirmagan badiiy, tarixiy, siyosiy, huquqiy, xotira, xizmat faoliyatiga oid jami 300 yaqin adabiyotlar va 500 dan ziyod elektron kitoblar joy egallagan. Bu borada viloyat Axborot kutubxonasi markazi bilan ikki tomonlama hamkorlik shartnomasi imzolangan. Markaz kutobxonasi xodimlari boshqarma tomonidan o’tkaziladigan ma’naviy-ma’rifiy tadbirlarga faol jalb etilgan.

Bu galgi tadbirga ham Axborot kutubxonasi markazidan tashrif buyurgan mas’ullar M.Rahmatova va D.Boltayevalar bojxona xodimlariga yangi nashr etilgan adabiyotlar, gazeta va jurnallarda chop etilgan maqolalarning mazmuni haqida so’zlab berishdi.

“Ustozning umri – mangu, chunki shogirdlar umri unga ulanadi”, – deyishadi. Fursatdan foydalanib, bir necha yillardan buyon safimizda yelkama-yelka turib xizmat qilayotgan tajribali ustozlar va murabbiylarni ham 1 oktyabr – O’qituvchilar va murabbiylar kuni kasb bayrami bilan qutlaymiz.

Samarqand viloyati bojxona boshqarmasi

Axborot xizmati

Foto: “Bolalar kitobi” ko’rgazmasi

Nashr qilingan Fotolenta

«Bolalar kitobi» ko’rgazmasi

Nashr qilingan E'lonlar

A.S.Pushkin nomidagi Samarqand viloyat axborot-kutubxona markazida joriy yilning 26 sentyabr kuni “Bolalar kitobi” ko’rgazmasi bo’lib o’tadi.

Tadbirda yangi adabiyotlar tag’dimoti va turli tanlovlar o’tkaziladi.

Xoxlovchilarni tadbirga kutib qolamiz.

Kutubxona haqida

Samarkand viloyat kutubxonasi dekabr 1911 yilda ochilgan edi. Kutubxona tashkilotchilaridan biri mashhur etnograf va arxeolog VL Vyatkin bo'ldi. Batafsil ...

Ish tartibi

Kutubxona 09:00 dan 18:00 gacha, shanba 09:00 dan 17:00 gacha ochiq. Yakshanba - dam olish kuni.
Har oyning oxirgi juma - sanitariya kuni.

Bog‘lanish

140129, Samarkand sh, Universitet hiyoboni, 21
Tel.: (8366) 2398360, 2398163
Faks: 2398163
E-mail: Этот адрес электронной почты защищен от спам-ботов. У вас должен быть включен JavaScript для просмотра. 
Web: http://libsamarkand.uz

Copyright © 2015-2019 A.S.Pushkin nomidagi Samarkand viloyat axborot-kutubxona markazi