A+ A A-
Администратор

Администратор

Afrikadan salom bilan

Nashr qilingan Yangiliklar

Vatan sog’inchi qalbni ezib, uyqu ko’zga kelmasa-yu atrofda umuman boshqa dunyo bo’lsa nima qilish kerak? Shu paytgacha insonlar diqqat e’tiborida bo’lib, birdan odatiy muhit yo’qolsa, uning o’rnida esa qulay, ammo bekorchi hayot sizni chulg’ab olsa? Har tomonlama ijodiy inson, yaqinda o’quvchilar bilan A. Pushkin nomidagi viloyat axborot - kutubxona markazida o’z kitobxonlari bilan uchrashuv o’tkazgan Elmira Aleynikovaning bu borada o’zining zerikish va sog’inishga qarshi «usullari» borki, ularni hatto ba’zi samarqandlik ayollar tomonidan ham qo’llanilishi mumkin.

Yaqin o’tmishda jurnalist, ilmiy jurnal muharriri, ekolog bo’lmish, qahramonimiz, bugungi kunda Baba Dogo nomi bilan mashhur.

Nayrobi shahri kambag’al hududlari nomidan kelib chiqgan mashhur noan’anaviy taxallus ostida Elmira Oleynikova, ayyollar huquqlari uchun ijtimoiy tarmoqlarda chiqishlar uyushtiradi, xalqaro ekologik loyihalar haqida bilimlarini tarqatadi, hamda o’zi sayohat qilgan yurtlar haqida qiziqarli ma’lumotlarni berib boradi. Ammo bularning barchasi, odatda rusiyzabon tarmoqlarda amalga oshiriladi.

Keniya, Avstraliya, Kanada davlatlarida esa, keniyalik kambag’al ayollarni o’yinchoqlar, sumkalar, va turli foydali narsalarni yasash uchun birlashtirgan tashkilot aktivisti sifatida tanishadi.

- Bundan oldin, keniyada bizning mamlakatimiz kabi, hamma joyda uchraydigan plastik chiqindilar ko’p edi, - deb aytadi E. Oleynikova. - Supermarketlarda, plastik paketlarni bepul tarqatishar, plastik paketlar esa keyinchalik savannani to’ldirib borayotgan edi.

- Keniya ekologiya vaziri tomonidan, plastik ta’qiqlanguniga qadar, men bir necha yil davomida mahalliy ayollarni turli plastik chiqindilardan yarmarkalarda yaxshi sotiladigan qulay sumkalarni yasashni o’rgatar edim. Bundan tashqari, keniyada, plastik chiqindilardan akril juni ishlab chiqarishadi, ishlamaydigan ayollar soni esa juda ham katta. Bundan kelib chiqgan holda, men, ularga daromad keltirishi mumkin bo’lgan ishni tashkillashtirishga qaror qildim. Akril junidan o’yinchoqlar to’qish juda ham oson, bundan tashqari, Keniya maktablarida krbchok bilan to’qishni barcha qizlarga o’rgatishadi. O’yinchoqlar cherkovlar orqali tarqatiladi. Bundan tashqari internetdan ham foydalanamiz.

Buning barchasi yaxshi, ammo sayohatchimizni yurtimizga nima olib kelganligi bilan qiziqib ko’rdik, ma’lum bo’lishicha, Oleynikova Samarkand bilan ancha yillardan buyon qiziqib kelar ekan. Bundan tashqari u qator ekologik loyihalarda ham ishlagan, masalan PROON-GEF «Nuratau – Kizilkum biosfera rezervati yaratilishi», «Markaziy Osiyo hududiy ekologik markaz» ishlarida. Bundan tashqari u, doimiy ravishda Samarqandda nashr etiladigan «Ledi» oilaviy xaftanomasida ham o’z maqola va romanlari bilan chiqishlar qilib turar ekan.

- Men, Nurobod, Payarik, Kattakurg’on tumanlarining ko’p joylarida bo’ldim, - davom etadi Elmira Leonidovna. – Har safar Samarqandga kelganimda Go’ri -Amir maqbarasini ziyorat qilishni, Registon maydonida tunda kursida o’tirishni va orzu qilishni yoqtiraman. Men uchun Samarqand, o’zim tug’ilgan Nukus, yoki yashagan Toshkent kabi qadrli shahardir.

Hozirda Baba Dogo, deyarli o’n yildan beri eri bilan Nayrobi (Keniya) shahrida yashab kelmoqda. Uning so’zlariga qaraganda, ko’nikishga to’g’ri kelmadi, zero u har - bir ayol bolalikdan orzu qiladigan sharoitlarga tushib qolgan: Chiroyli uy, sokin oila, xizmatkorlar, bog’bon, haydovchi, hamda tansoqchi.

Tansoqchi albatta majburiy chora, zero so’z begona mamlakatda diplomatik xodim oilasi haqida ketayapti, ammo umuman olganda, buning barchasini ezgulik ko’rinishlari deb atash mumkin. Ammo jannatda ham ba’zida zerikib qolasan kishi, aynan shuning natijasida muallifning keng jamoatchilik faoliyati va qator qiziqishlari kelib chiqadi.

Tabiiy kuzatuvchanlik, qiziqish, ezgu yurak va yozuvchilik talanti uni adabiyotga keltirdi. Ammo o’zining uch kitobi bo’lmish «Uyquda uchrashuv», «Moskvalik ayol», «Dohiy ayoli ovga chiqmoqda» kitoblari haqida E. Oleynikova kamtarona munosabatda bo’lib, mazkur kitoblarni zerikkanligidan yozganligini aytadi. Ammo buning barchasi, uning qaxramonlari, hayoti, syujetni kuzatish, hamda yaxshi ayollar romanini o’qishdan rohatlanishni hyech bir tarzda buza olmaydi.

Anastasiya Pavlenko. SV.

Toshkentda omad tilaymiz!

Nashr qilingan Yangiliklar

Pushkin nomidagi viloyat AKMda «Eng yaxshi axborot kutubxona tashkiloti xodimi» konkursining viloyat bosqichi bo’lib o’tdi.

Konkurs shartlari bo’yicha qatnashchilar o’z kutubxonalari ishlarini namoyish etishlari, parchalarga qarab badiiy adabiyot nomlanishi va uning muallifini aniqlashlari, o’z ishlari sohasi bo’yicha test savollariga javob berishlari kerak edi, ya’ni qonunchilik bazasi, kitob saqlanishi davlat standartlari, kitobxonlarga xizmat ko’rsatish va boshqalar.

Keskin musobaqalar davomida eng yaxshi natijalar viloyat AKM kutubxonachisi Nasiba Mamatkulova, viloyat xalq ta’limi boshqarmasi qoshidagi Pastdarg’om tuman ARM xodimi Ikrom Xudoykulov, So’zangaron mediyina kolledji ARM rahbari Feruza Mirzayeva, Bulung’ur tuman ko’zi ojizlar kutubxonasi filiali kutubxonachisi Nasiba Xakimova va Samarqand davlat arxitektura va qurilish instituti qoshidagi ARM bibliografi Dilorom Normatova tomonidan ko’rsatildi.

Yuqorida ko’rsatilgan xodimlar oktyabr oyi oxiri – noyabr oyi boshida Toshkent shahrida an’anaviy ravishda o’tkaziladigan INFOLIB haytaligi doirasida o’tkaziladigan konkurs respublika bosqichida qatnashishi lozim bo’lgan viloyatimiz terma jamoasini tashkil etishadi.

- Umuman olganda, qatnashchilar qo’yilgan shartlarni yaxshi darajaa bajarishdi, - deydi O’zbekiston milliy kutubxonasi bosh mutaxassisi Dilnora Mirzarpaximova, - endilikda ularni poytaxtdagi bosqichga tayyorgarlik ishlari kutmoqda.

Biz esa, qatnashchilar poytaxtda viloyatimizni yuksak darajada namoyish etishlarini tilab qolamiz.

F. Nigmatov SV.

Mutaxassis ko’rigi

Nashr qilingan Yangiliklar

A.S.Pushkin nomidagi Samarqand viloyat axborot-kutubxona markazida 2018 yil 15-avgust kuni Oliy o’quv yurtlari, Kasb-hunar ta’limi boshqarmasi, Xalq ta’limi boshqarmasi tasarrufidagi va Madaniyat va sport boshqarmasi tasarrufidagi ARM xodimlari o’rtasida ilg’or ish tajribalarini ommalashtirish maqsadida “Axborot-kutubxona muassasasining yeng yaxshi mutaxassisi” ko’rik-tanlovining II-viloyat bosqichi o’tkazildi.

Unda Samarqand viloyat AKM Axborot va hukuk sektorining yetakchi kutubxonachisi Nasiba Mamatkulova, Samarqand Davlat Universiteti qoshidagi ilmiy ARM-ning 2-toifali kutubxonachisi Firuza Hasanboyeva, Samarqand Davlat Tibbiyot instituti qoshidagi ARM-ning yetakchi mutaxassisi Farida Toxirova, Samarqand Davlat Arixitektura va qurilish instituti qoshidagi ARM-ning bibliografi Dilorom Normatova, Samarqand viloyat o’rta maxsus kasb hunar ta’limi boshqarmasi tasarufidagi So’zangaron tibbiyot koleji ARM rahbari Firuza Mirzayeva, Samarqand viloyat Xalq ta’limi tasarufidagi Pastdarg’om tuman ARM-ning injiner yelektronchisi Ikrom Xudoyqulov, Samarqand viloyat madaniyat ishlari boshqarmasi tasarufidagi viloyat ko’zi ojizlar kutubxonasi Bulung’ur tum filiali kutubxonachisi Nasiba Hakimovalar o’zaro kuch sinashdi.

Ishtirokchilarni odilona baholab borish uchun O’zbekiston Milliy kutubxonasi axborot kutubxona fondlarini komplektlash xizmati bosh mutaxassisi Dilnora Mirzaraximova, O’zbekiston axborotlashtirish va matbuot agentligi Samarkand viloyat hududiy boshkarmasi mutaxassisi Shavkat Axatov, SamDU IARM raxbari Madina Nasrullayevalar hakamlik qilishdi. Tanlov so’ngida Samarqand viloyat o’rta maxsus kasb hunar ta’limi boshqarmasi tasarufidagi So’zangaron tibbiyot koleji ARM rahbari Firuza Mirzayeva, Samarqand viloyat AKM Axborot va hukuk sektorining yetakchi kutubxonachisi Nasiba Mamatkulova, Samarqand viloyat Xalq ta’limi tasarufidagi Pastdarg’om tuman ARM-ning injiner yelektronchisi Ikrom Xudoyqulov, Samarqand viloyat madaniyat ishlari boshqarmasi tasarufidagi viloyat ko’zi ojizlar kutubxonasi Bulung’ur tuman filiali kutubxonachisi Nasiba Hakimova, Samarqand Davlat Arixitektura va qurilish instituti qoshidagi ARM-ning bibliografiya Dilorom Normatovalar “Axborot-kutubxona muassasasining yeng yaxshi mutaxassisi” Respublika bosqichida qatnashish uchun yo’llanmani qo’lga kiritishdi.

AKMning doimiy hamkori Orif Gulxaniy uy muzeyi raxbari Muqimjon Orifiy tomonidan barcha ishtirokchilarga “Xar bir kitobxonga bir tuvak gul” aksiyasi bo’yicha gullar va “Dunyo o’tadiyu...” deb nomlangan kitoblari taqdim yetildi.

Ilmiy uslubiyat bo’lim mudiri: M.Kulova

Kutubxona haqida

Samarkand viloyat kutubxonasi dekabr 1911 yilda ochilgan edi. Kutubxona tashkilotchilaridan biri mashhur etnograf va arxeolog VL Vyatkin bo'ldi. Batafsil ...

Ish tartibi

Kutubxona 09:00 dan 18:00 gacha, shanba 09:00 dan 17:00 gacha ochiq. Yakshanba - dam olish kuni.
Har oyning oxirgi juma - sanitariya kuni.

Bog‘lanish

140129, Samarkand sh, Universitet hiyoboni, 21
Tel.: (8366) 2398360, 2398163
Faks: 2398163
E-mail: Этот адрес электронной почты защищен от спам-ботов. У вас должен быть включен JavaScript для просмотра.  
Web: http://libsamarkand.uz

Copyright © 2015 A.S.Pushkin nomidagi Samarkand viloyat axborot-kutubxona markazi